Православная Церковь Божией Матери ДержавнаяЧудотворная икона "Державная Божия Матерь"

 

 

Утреннее правило

 

I

Востав от сна, благоговейно представляя себя пред Всевидящим Богом,
сотвори крестное знамение:

Во имя Отца, и Сына, и Святаго Духа. Аминь.*

 

Пятерица из келейного правила преп. Серафима:

Без числа согрешил, прости меня. (поклон)

Господи, помилуй. (читается 3 раза)

И прости беззакония и согрешения мои (поклон)

Господи, помилуй (3)

Создавший меня, помилуй мя (поклон)

Господи, помилуй (3)

Боже, милостив буди мне грешному (поклон)

Господи, помилуй (3)

Боже, очисти мя грешнаго и помилуй мя (поклон)

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Слава Тебе, Боже наш, слава Тебе.

 

II

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (3 раза)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (3) Слава, и ныне.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небесй и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас, во искушение, но избави нас от лукаваго.

 

III

Воставше от сна, припадаем Ти, Блаже, и ангельскую песнь вопием Ти, Сильне: Свят, Свят, Свят еси, Боже, Богородицею помилуй нас.

Слава: От одра и сна воздвигл мя еси, Господи, ум мой просвети и сердце, и устне мои отверзи, во еже пети Тя, Святая Троице: Свят, Свят, Свят еси, Боже, Богородицею помилуй нас.

И ныне: Внезапно Судия приидет, и коегождо деяния обнажатся, но страхом зовем в полунощи: Свят, Свят, Свят еси, Боже, Богородицею помилуй нас.

Господи, помилуй (12)

IV

К Пресвятой Троице

От сна востав, благодарю Тя, Святая Троице, яко многия ради Твоея благости и долготерпения не прогневался еси на мя, лениваго и грешнаго, ниже погубил мя еси со беззаконьми моими; но человеколюбствовал еси обычно и в нечаянии лежащаго воздвигл мя еси, во еже утреневати и славословити державу Твою.

И ныне просвети мои очи мысленные, отверзи моя уста поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.

 

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконных путем Твоим, и нечестивии к Тебе обратятся.

Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды и всесожжения, тогда благословиши на алтарь Твой тельцы.

 

Слава и ныне.

Аллилуия. (3)

Слава Тебе, Боже...

Господи, помилуй (3)

Слава и ныне.

Символ веры

Верую во единаго Бога Отца, Вседержителя, Творца небу и земли, видимым же всем и невидимым. +И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; +Света от Света, Бога истинна от Бога истинна, рожденна, несотворенна, единосущна Отцу, Имже вся быша. +Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. +Распятаго же за ны при Понтийстем Пилате, и страдавша, и погребенна. +И воскресшаго в третий день по Писанием. +И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца.

И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

 

 Молитвы св. Макария Великого

(1)

Боже, очисти мя грешнаго, яко николиже сотворих благое пред Тобою; но избави мя от лукаваго, и да будет во мне воля Твоя, да неосужденно отверзу уста моя недостойная и восхвалю имя Твое святое Отца и Сына и Святаго Духа, ныне и присно и во веки веков. Аминь.

(2)

От сна востав, полунощную песнь приношу Ти, Спасе, и припадая вопию Ти: не даждь ми уснути во греховней смерти, но ущедри мя и спаси мя в предстоянии и молитве, и по сне нощнем возсияй ми день безгрешен, Христе Боже, и спаси мя.

(3)

К Тебе, Владыко Человеколюбче, от сна востав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от веяния мирския и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе все упование мое, и Тебе славу возсылаю, ныне и присно и во веки веков. Аминь.

 

Молитва св. Василия Великого

Господи Вседержителю, Боже сил и всякия плоти, в вышних живый и на смиренныя призираяй, сердца и утробы испытуяй и сокровенная яве предведый, Безначальный и Присносущный Свете, Сам, Безсмертный Царю, приими моления наша, и остави нам прегрешения наша, яже делом, и словом, и мыслию, ведением, или неведением соделанная; и очисти ны от всякия скверны плоти и духа. И даруй нам бодренным сердцем и трезвенною мыслию всю настоящаго жития нощь прейти, ожидающим пришествия светлаго и явленнаго дне Единороднаго Твоего Сына, Господа и Бога и Спаса нашего Иисуса Христа. Да совнидем в радость и Божественный чертог славы Его, идеже празднующих глас непрестанный, и неизреченная сладость зрящих Твоего лица доброту неизреченную. Ты бо еси истинный Свет, просвещаяй и освящаяй всяческая, и Тя поет вся тварь во веки веков. Аминь.

 

Ко Пресвятой Богородице

О Дева вечного блаженства, Владычица земная и небесная, Мать коронованная, Невеста венчанная, Дева кротчайшая и Агница смиреннейшая, Честнейшая херувим и Славнейшая всех славных сил небесных, одесную Пресвятыя Троицы стоящая, Покровительница наша, не остави, но пребуди с нами вечно. Аминь.

Пресвятая Владычице моя Богородице, святыми Твоими и всесильными мольбами отжени от мене смиреннаго раба Твоего уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от помыслов и от всех действ злых свободи мя. Яко благословена еси от всех родов, и славится пречестное имя Твое во веки веков. Аминь.

Богородице Дево, радуйся. Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.

 

К Ангелу хранителю

Святый Ангеле, предстояй моей души, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе; укрепи бедствующую и худую мою руку и настави мя на путь спасения.

 

Тропарь Кресту и молитва за отечество

Спаси, Господи, люди Твоя, и благослови достояние Твое, победы на сопротивныя даруя, и Твое сохраняя Крестом Твоим жительство.

 

ПОМЯННИК

Помяни, Господи Иисусе Христе, Боже наш, милостью и щедротами Твоими, от века сущими, их же ради вочеловечился, принял распятие и смерть, воскрес из мертвых, вознесся на небеса, воссел одесную Отца, поныне страждешь за грехи наши и озираешь оком милосердным всех сердцем призывающих Тебя.

1. Помяни церковь Твою святую Соборную Апостольскую, питаемую честной Кровью. Утверди, укрепи, расшири, умножи, умири и необоримую адскими вратами вовеки сохрани. Зло, фарисейство и расколы силою Святого Твоего Духа посрами и обрати в ничто. (поклон)

2. Спаси, Господи, и помилуй Российскую нашу страну и глаголи мирная и благая в сердца жителей ее о святой Твоей церкви, облеченной в омофор Пренепорочной. Да и мы тихое безмолвное житие проведем во всяком благочестии и чистоте. Аминь. (поклон)

3. Спаси, Господи, и помилуй родителей моих, братьев и сестер по плоти ... всех моих ближних и друзей ... даруй им мирная Твоя и премирная благая. (поклон)

4. Спаси, Господи, и помилуй отцов, иноков и братию нашу в обителях по всей земле и молитвами их помилуй меня. (поклон)

5. Спаси, Господи и помилуй по множеству щедрот Твоих в девстве, благоговении и постничестве подвизающихся иноков и инокинь в монастырях, пустынях, в горах, в затворе, на островах морских и на всяком месте владычества Твоего праведно живущих и благочестно служащих и молящихся Тебе. Облегчи им тяжесть, утеши скорбь, подай силу и крепость к подвигу несения креста. Молитвами их даруй нам оставление грехов. (поклон)

6. Спаси, Господи и помилуй старцев и юных, нищих и сирых, вдовиц и больных в печалях, бедах и скорбях пребывающих, в темницах, в заточении, плененных и в гонениях находящихся. Помяни их, посети, укрепи, утеши и подай им мир и избавление. (поклон)

7. Спаси, Господи, и помилуй благотворящих нам, милующих и питающих нас, даруй им все необходимое к спасению и вечных благ вкушение. (поклон)

8. Спаси, Господи, и помилуй всех праведных сынов Твоих других исповеданий и всех православных христиан. (поклон)

9. Спаси, Господи, и помилуй тех, кого безумием моим соблазнил, от пути честного отвратил, к делам злым и непотребным искусил. Божественным Твоим промыслом в лоно Твое святое возврати. (поклон)

10. Спаси, Господи, и помилуй врагов, клеветников, обидчиков моих и не остави их погибнуть меня ради грешного. (поклон)

11. Вразуми обольщенных духом фарисейства и в сети дьявола уловленных, светом Твоего познания просвети, к истинной Твоей соборной апостольской церкви причти. Совесть очисти и ниспошли на них богатые Твои милости. (поклон)

12. Помяни, Господи, и помилуй оставивших мир сей праведных царей и цариц, священноиереев и блаженных... и в вечном селении их со святыми упокой. (поклон)

13. Помяни, Господи, души усопших рабов Твоих, родителей моих ... и всей великой семьи нашей христианской. Прости им все согрешения вольные и невольные, даруй им Царствие, причастие вечных Твоих благ и Твоей бесконечной и блаженной жизни наслаждение. (поклон)

14. Помяни, Господи, в надежде воскресения и жизни вечной усопших отцов и братьев наших. Облеки в белые одежды усопших сынов земли и всели в небесные обители, где сияет свет лица Твоего. (поклон)

15. Прими, Господи, в премирной усыпальнице Твоей в лоно небесной Матери души абортированных младенцев,/ новопреставленных,/ на поле брани убиенных,/ погибших в бедствиях, авариях и катастрофах/ и сотвори им вечную память. (поклон)

Господи, помилуй. (3)

 

*   *   *

 

Достойно есть яко воистинну блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую сущую Богородицу Тя величаем.

Слава, и ныне: Господи, помилуй. (3)

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.

 

*   *   *

 

(Пение:) Днесь новомученицы Российстии/ в ризах белых предстоят Агнцу Божию/ и со Ангелы песнь победну воспевают Богу:/ Благословение, и слава, и премудрость,/ и хвала, и честь,/ и сила, и крепость Богу нашему/ во веки веков. Аминь.

 

__________________

*) 1. Во имя Отца — три сложенных пальца на чело (Отец — разум), и Сына — на живот (жизнь), и Святаго Духа — на сустав правого плеча (Ангел-Хранитель), Аминь — на сустав левого плеча (изгнание искусителя). При наложении крестного знамения ум и сердце должно вознести к Голгофе Сына Божия, благоговейно вспомнить Его страдание и Жертву.  Небрежное и неправильное крестоналожение недопустимо.

Примечание:

Названия молитв и пояснения не читаются во время молитвы.

 


Официальный сайт Централизованной религиозной организации Православная Церковь Божией Матери Державная.

(с) Все права сохранены. ЦРО Православная Церковь Божией Матери Державная. Москва, 1999 г. (с) Священник Илья (Попов).

С 1982 по 1991 гг. — Катакомбная церковь. В 1991 г. в Москве зарегистрировано общественное объединение общественно-благотворительный просветительский фонд  "Богородичный центр", который в 1993 г. был переименован в фонд "Новая Святая Русь", в 1999 г. фонд перестал действовать.
В 1992 г. в Москве зарегистрировано религиозное объединение "Община Церкви Божией Матери Преображаю
щейся". Согласно требованиям принятого в 1997 г. Федерального закона РФ о свободе совести и о религиозных объединениях оно был
о переименовано и действует по настоящее время как "Местная религиозная организация - Община Православной Церкви Божией Матери Державная г. Москвы", ОГРН 1037700054094.
04.02.1997 г.
Министерством Юстиции РФ зарегистрирована Централизованная религиозная организация Православная Церковь Божией Матери Державная, свидетельство о регистрации N388.
Прошла перерегистрацию 20.05.1999 г., ОГРН 1025000003621.

Нам можно написать:mail @ avemaria. ru (без пробелов)